MARGUREITE DE NAVARRE

 (1492-1549)

Marguerite d'Angoulême, duchesse d'Alençon puis reine de Navarre, soeur de François 1er, joue un rôle important dans l'histoire de la poésie de la Rensaissance. Poète elle-même, elle exerce un grand rayonnement sur les humanistes de son temps. Protectrice de Clément Marot, celui-ci la décrit en ces termes: "Corps féminin, coeur d'homme et tête d'ange".

Très cultivée, elle connait parfaitement l'italien et s'est impregnée de Boccace, Pétrarque et Dante; comme ces deux derniers, elle utilise dans plusieurs de ses pièces la terza rima, succession de tercets dont les rimes s'enchainent ainsi: ABA BCB CDC, etc... Elle est surtout connue aujourd'hui comme l'auteur d'un recueil de contes où l'influence du Decameron de Boccace est évidente. Ces 72 histoires furent réunies après sa mort et publiées en 1558-1559 sous le titre d'Heptaméron; décomposées en sept journées comportant chacune dix nouvelles et une huitième journée, inachevée, comportant deux nouvelles.

Margureitte de Navarre y met en scène un groupe de dix personnes, retenues à la campagne par la crue d'un fleuve et qui décident de se raconter des histoires, à la condition qu'il n'y ait "nulle nouvelle qui ne soit véritable histoire". Ne sachant pas si toutes les nouvelles sont tirées de la réalité, on peut néanmoins se rendre compte qu'elles se situent toutes dans des décors familiers vrais ou vraisemblables. On y parle beaucoup d'amour, sur tous les tons; on y parle beaucoup de religion aussi; Marguerite est protestante et n'épargne pas les traits satiriques contre le clergé catholique. A la fin de chaque histoire, elle place dans la bouche des conteurs des commentaires souvent nourris de citations de l'Evangile. La diversité du ton de l'Heptaméron illustre les contradictions d'une époque qui se cherche: la gaillardise gauloise se mêle au raffinement italien, l'enthousiasme humaniste à la ferveur évangélique.

 UN EXTRAIT DE

 «L'HEPTAMERON»

LA QUATRIESME JOURNEE: TRENTE DEUXIESME NOUVELLE

Le roy Charles, huictiesme de ce nom, envoya en Allemaigne, ung gentil homme, nommé Bernage, sieur de Sivrai, près Amboise, lequel pour faire bonne dilligence, n'epargnoit jour ne nuict pour advancer son chemin, en sorte que, ung soir, bien tard, arriva en un chasteau d'un gentil homme, où il demanda logis: ce que à grand peyne peut avoir. Toutesfois, quant le gentil homme entendyt qu'il estoit sertiveur d'un tel Roy, s'en alla au devant de luy, et le pria de ne se mal contanter de la rudesse de ses gens, car à cause de quelques parens de sa femme qui luy vouloient mal, il estoit contrainct tenir ainsy la maison fermee. Aussi le dict Bernage luy dist l'occasion de sa legation: en quoy le gentil homme s'offryt de faire tout service à luy possible au Roy son maistre, et le mena dedans sa maison, où il le logea et festoya honorablement.

Il estoit heure de soupper: le gentil homme le mena en une belle salle tendue de belle tapisserye. Et, ainsy que la viande fut apportee sur la table, veid sortir de derriere la tapisserye une femme, la plus belle qu'il estoit possible de regarder, mais elle avoit sa teste toute tondue, le demeurant du corps habillé de noir à l'alemande. Après que le dict seigneur eut lavé avecq le seigneur de Bernage, l'on porta l'eaue à ceste dame, qui lava et s'alla seoir au bout de la table, sans parler a nulluy, ny nul à elle. Le seigneur de Bernage la regarda bien fort, et luy sembla une des plus belles dames qu'il avoit jamais veues, sinon qu'elle avoit le visaige bien pasle et la contenance bien triste. Après qu'elle eut mengé ung peu, elle demanda à boyre, ce que luy apporta ung serviteur de leans dedans un esmerveillable vaisseau, car c'estoit la teste d'ung mort, dont les oeilz estoitent bouchés d'argent: et ainsy beut deux ou trois fois. La demoiselle, après qu'elle eut souppé et faict laver les mains, feit une reverance au seigneur de la maison et s'en retourna derriere la tapisserye, sans parler à personne. Bernage fut tant esbahy de veoir chose si estrange, qu'il en devint tout triste et pensif. Le gentil homme, qui s'en apperçeut, luy dist : Je voy bien que vous vous estonnez de ce que vous avez veu en ceste table; mais, veu l'honnesteté que je treuve en vous, je ne vous veulx celer que c'est afin que vous ne pensiez qu'il y ayt en moy telle cruaulté sans grande occasion. Ceste dame que vous avez vue est ma femme, laquelle j'ay plus aymee que jamais homme ne pourroit aymer femme, tant que, pour l'espouser, je oubliay toute craincte, en sorte que je l'amenay icy dedans, maulgré ses parents. Elle aussy, me monstroit tant de signes d'amour, que j'eusse hazardé dix mille vyes pour la mectre ceans à son ayse et à la myenne; où nous avons vescu ung temps a tel repos et contentement, que je me tenois le plus heureux gentil homme de la chrestienté. Mais, en ung voiage que je feis, où mon honneur me contraignit d'aller, elle oublia tant son honneur, sa conscience et l'amour qu'elle avoit en moy, qu'elle fut amoureuse d'un jeune gentil homme que j'avois nourri ceans; dont, à mon retour, je me cuydai apercevoir. Si est-ce que l'amour que je lui portois estoit si grande, que je ne me povois desfier d'elle jusques à la fin que l'experience me creva les oeilz, et veiz ce que je craignois plus que la mort. Parquoy, l'amour que je lui portois fut convertie en fureur et desespoir, en telle sorte que je la guettay de si près que, ung jour, faignant aller dehors, me cachay en la chambre où maintenant elle demeure, où, bien tost après mon partement, elle se retira et y feit venir ce jeune gentil homme, lequel je veiz entrer avec la privauté qui n'appartenoyt que à moi avoir à elle. Mais quant je veiz qu'il vouloit monter sur le lict auprès d'elle, je saillys dehors et le prins entre mes bras, où je le tuay. Et, pour ce que le crime de ma femme me sembla si grand que une telle mort n'estoit suffisante pour la punir, je luy ordonnay une peyne que je pense qu'elle a plus desagreable que la mort : c'est de l'enfermer en la dicte chambre où elle se retiroit pour prendre ses plus grandes delices et en la compaignye de celluy qu'elle aymoit trop mieulx que moy; auquel lieu je luy ai mis dans une armoyre tous les os de son amy, tenduz comme chose pretieuse en ung cabinet. Et, affin qu'elle n'en oblye la memoire, en beuvant et en mangeant, luy faictz servir à table, au lieu de couppe, la teste de ce meschant; et là, tout devant moy, afin qu'elle voie vivant celluy qu'elle a faict son mortel ennemy par sa faulte, et mort pour l'amour d'elle celluy duquel elle avoit preferé l'amytié à la myenne. Et ainsy elle veoit à disner et à soupper les deux choses qui plus luy doibvent desplaire: l'ennemy vivant et l'amy mort, et tout, par son peché. Au demorant, je la traicte comme moy mesmes synon qu'elle vat tondue, car l'arraiement des cheveulx n'appartient à l'adultaire, ny le voile à l'impudique. Parquoy s'en vat rasee, monstrant qu'elle à perdu l'honneur de la virginité et de la pudicité. S'il vous plaist de prendre la peyne de la veoir, je vous y meneray.

Ce que feist voluntiers Bernage: lesquelz descendirent à bas et trouverent qu'elle estoit en une tres belle chambre, assise toute seulle devant ung feu. Le gentil homme tira un rideau qui estoit devant une grande armoyre, où il veid penduz tous les os d'un homme mort. Bernage avoit grande envie de parler à la dame, mais de paour du mary, il n'osa. Le gentil homme, qui s'en apparceut, luy dist : S'il vous plaist luy dire quelque chose, vous verrez quelle grace et parole elle a. Bernage luy dist à l'heure: Madame, vostre patience est egale au torment. Je vous tiens la plus malheureuse femme du monde. La dame, ayant la larme à l'oeil, avecq une grace tant humble qu'il n'estoit possible de plus, luy dist: Monsieur, je confesse ma faulte estre si grande, que tous les maulx, que le seigneur de ceans (lequel je ne suis digne de nommer mon mary) me sçauroit faire, ne me sont reins au prix du regret que j'ay de l'avoir offensé. En disant cela, se print fort à pleurer. Le gentil homme tira Bernage par le bras et l'emmena. Le lendemain au matin, s'en partit pour aller faire la charge que le Roy luy avoit donnee. Toutesfois, disant adieu au gentil homme, ne se peut tenir de luy dire : Monsieur, l'amour que je vous porte et l'honneur et privaulté que vous m'avez faite en vostre maison, me contraignent à dire qu'il me semble, vue la grande repentance de vostre pauvre femme, que vous luy debvez user de misericorde; et aussy, vous estes jeune, et n'avez nulz enfans; et seroit grand dommage de perdre une si belle maison que la vostre, et que ceulx qui ne vous ayment peut-estre poinct, en fussent heritiers. Le gentil homme, qui avoit deliberé de ne parler jamais à sa femme, pensa longuement aux propos que luy tint le seigneur de Bernage; et enfin congneut qu'il disoit verité, et luy promist, que, si elle perseveroit en ceste humilité, il en auroit quelquefois pitié. Ainsi s'en alla Bernage faire sa charge. Et quant il fut retourné devant le Roy son maistre, luy feit tout au long le compte que le prince trouva tel comme il le disoit; et, en autres choses, ayant parlé de la beauté de la dame, envoya son painctre, nommé Jean de Paris, pour luy rapporter ceste dame au vif. Ce qu'il feit après le consentement de son mary, lequel, après longue pénitence, pour le desir qu'il avoit d'avoir enfans, et pour la pitié qu'il eut de sa femme, qui en si grande humilite recepvoit ceste penitence, il la reprint avecq soy, et en eut depuis beaucoup de beaulx enfans.

 POEMES DE MARGUERITE DE NAVARRE

VOUS M'AVIEZ DIT QUE VOUS M'AIMIEZ BIEN FORT

Vous m'aviez dit que vous m'aimiez bien fort,

Bien fort, bien fort, et ainsi je l'ai cru,

Mais tôt après vous fîtes votre effort

D'en dire autant en un lieu que j'ai vu :

Bien fort, bien fort, vous l'aimez, je l'ai su.

Il vous faut trop de forces pour deux lieux

Si fort aimer, mais prenez pour le mieux

Deux bons ciseaux coupent notre amitié,

Et retenez l'autre, qui a vos yeux,

Forces et coeur : tant de double et gracieux

Satisfera trop bien de la moitié.

**********************************************************

CANTIQUE SPIRITUEL

Je n'ai plus ni père, ni mère,

Ni soeur, ni frère

Sinon Dieu seul auquel j'espère,

Qui sur le ciel et terre impère;

Là-haut, là-bas,

Tout par compas;

Compère, commère,

Voici vie prospère.

Je suis amoureux non en ville,

Ni en maison, ni en château,

Ce n'est de femme ni de fille

Mais du seul bon, puissant et beau:

C'est mon Sauveur

Qui est vainqueur

De péché, mal, peine et douleur;

Et a ravi à soi mon coeur.

Je n'ai plus, etc.

J'ai mis du tout en oubliance

Le monde et parents et amis,

Biens et honneurs en abondance,

Et les tiens pour mes ennemis.

Fi de tels biens,

Dont les liens

Par Jésus-Christ sont mis à rien,

A fin que nous soyons des siens.

Je n'ai plus, etc.

Je parle, je ris et je chante

Sans avoir souci ni tourment,

Amis et ennemis je hante,

Trouvant partout contentement:

Car par la Foi

En tous je voi
Leur vie, qui est, je le croi,

Tout en Tout, mon Dieu et mon Roi.

Je n'ai plus, etc.

Or puis donc que Dieu est leur vie,

Et que je le crois Tout en tous,

Il est mon ami et m'amie,

Père, Mère, Frère et Époux;

C'est mon espoir

Mon sûr savoir;

Mon Étre, ma force, pouvoir,

Qui m'a sauvé par son vouloir.

Je n'ai plus, etc.

Las ! que faut-il plus à mon âme

Qui est tirée en si bon lieu,

Sinon se laisser en la flamme

Brûler de cette amour de Dieu?

Et en brûlant,

Le consolant

D'amour, qui rend le coeur volant,

Et sans fin la bouche parlant,

Je n'ai plus, etc.

Amis contemplez quelle joie

J'ai, étant délivre de moi,

Et remis en la sûre voie

Hors des ténèbres de la Loi.

Ce réconfort

Est si très fort,

Que rien plus ne désire, au fort

Qu'être uni à lui par ma Mort.

Je n'ai plus, etc.

***********************************************************

LE TEMPS EST BREF ET MA VOLONTE GRANDE

Le temps est bref et ma volonté grande,

Qui ne me veut permettre le penser ;

Ma passion me contraint et commande,

Selon le temps, le parler compenser.

Jusques ici j'ai craint de m'avancer,

En attendant un temps de long loisir,

Mais il n'est pas en moi de le choisir;

Par quoi du peu faut que mon profit fasse:

En peu de mots vous dirai mon désir,

C'est que je n'ai volonté ni plaisir

Que d'être sûr de votre bonne grâce.